(ABC Sanchar)
काठमाडौं । प्रधानमन्त्री केपी शर्मा ओलीले स्थानीय र प्रदेश सरकारमा हस्तक्षेप गर्न खोजे थप कडा कदम चाल्ने चेतावनी दिएका छन्।
प्रचण्ड नेपाल समूहले प्रदेश सरकारमा चलखेल गर्न सक्नेतर्फ संकेत गर्दै प्रधानमन्त्री ओलीले त्यसो हुन थाले थप कदम चाल्ने चेतावनी दिएका हुन।
पार्टी विभाजन भएसँगै नेकपाले नेतृत्व गरेका ६ मध्ये चार वटा प्रदेश सरकार अल्पमतमा पर्ने सम्भावना छ।
त्यहाँ प्रचण्ड नेपाल पक्षले कुनै कदम चालेमा आफू अर्को कदम चाल्ने समेत ओलीले चेतावनी दिएका हुन।
योहो टेलिभिजनसँगको कुराकानीमा प्रधानमन्त्री अोलीले भनेका छन्, ‘अविश्वासका नाममा विभाजन गर्ने र एकल पार्टीको बहुमत भएको ठाउँमा अनेक पार्टी भएर सरकार बनाउने खेल र बार्गेनिङ तथा तमासामा फस्ने अवस्था आउनुहुन्न। यहीँ भएरै नै मैले जनतामा जाने निर्णय गरेको हो,’।
