ABC (क्राईमबिट)
काठमाडौं । प्रहरी अतिरिक्त महानिरीक्षक एआईजी विश्वराज पोखरेलले दायर गरेको रिट फेरि आज पनि हेर्दाहेर्दैमा परेको छ ।
सर्वोच्च अदालतका कामु प्रधानन्यायाधीश दीपककुमार कार्की र न्यायाधीश डा. कुमार चुडालको संयुक्त इजलासमा परेको उक्त रिटको बहस नसकिएकाले आज तेस्रोपटक फेरि हेर्दाहेर्दैमा परेको हो । एआईजी पोखरेलको उक्त रिटमा यहि असार १९ गते सुनुवाइ हुने भएको सर्वोच्च अदालत स्रोतले जानकारी दिएको छ ।
गत वैशाख १८ मा मन्त्रिपरिषद्ले धीरजप्रताप सिंहलाई प्रहरी महानिरीक्षक (आईजीपी) नियुक्त गर्ने निर्णय गरेको थियो । मन्त्रिपरिषद्ले वरिष्ठता मिचेर आईजीपी नियुक्त गरेर आफूमाथि अन्याय गरेको भनी एआईजी पोखरेलले सर्वोच्च अदालतमा रिट निवेदन दिएका थिए ।
