(महेन्द्र सिंह)
बाँके । नेपालगञ्जमा स्थानीय रुटमा चल्ने सार्वजनिक गाडीले हड्ताल गरेका छन् । कोहलपुरदेखि जमुनाहा नाकासम्म चल्ने यात्रुवाहक माइक्रो बस, म्याजिक गाडीले हड्ताल गरेका हुन् । गाडी सञ्चालकहरुले माइक्रो बस र म्याजिक ल्याएर नेपालगञ्ज उपमहानगरपालिका कार्यालय अगाडि सडकमा तेर्स्याएका छन् ।
नेपालगञ्जमा आधुनिक बसपार्क बनेपछि सबै बसहरु बसपार्कबाटै छुट्नुपर्ने नियम बनाइएको थियो । नेपालगञ्ज–कोहलपुर चल्ने सवारी साधनलाई पनि एकपटक बसपार्कमा पुग्नुपर्ने र ५० रुपैयाँ तिर्नुपर्ने नियम बनाइएको थियो । तर, यो नियम आफूहरुलाई व्यवहारिक नभएको भन्दै गाडी सञ्चालकहरुले आज विहानदेखि हड्ताल गरेका छन् । बस सञ्चालकले हड्ताल गरेकाले नेपालगञ्ज–कोहलपुर रुटमा चल्ने यात्रुवाहक सवारी साधन चलेका छैनन् ।
