ABC (क्राईमबिट)
काठमाडौं । सर्वाेच्च अदालतले नेपाल प्रहरीको महानिरीक्षक धिरजप्रताप सिंहको नियुक्ति सदर गरेको छ । एआइजी विश्वराज पोखरेलले दायर गरेको रिट शुक्रबार सर्वाेच्चले खारेज गरेको हो । रिट खारेज भएसँगै सिंहको नियुक्ति सदर भएको हो ।
शुक्रबार सुनुवाई सकिएपछि यो मुद्दाको फैसला भएको हो । कामु प्रधानन्यायाधीश दीपक कुमार कार्की र न्यायाधीश कुमार चुँडालको इजलाशले आइजिपी नियुक्ति तथा एआइजी बढुवा लगायतका सबै रिट खारेज गरेको हो ।
आफुभन्दा पछि एआइजी भएका धिरजलाई आइजिपी बनाएको भन्दै पोखरेलले २० बैशाखमा रिट दर्ता गरेका थिए । अब उनले २० साउनमा अवकाश पाउने भएका छन् ।
त्यस्तै, एआइजी बढुवामा असन्तुष्टि जनाउँदै घनश्याम अर्याल, ईश्वरबाबु कार्की, प्रकाशजंग कार्कीले दायर गरेको रिट पनि खारेज भएको छ । उनीहरुले डिआइजीमै अवकाश पाइसकेका छन् ।
सर्वाेच्चले लगाउनमा राखेर यी सबै रिटको सँगै सुनुवाई गरेकोमा दाबी नपुगेको भन्दै सबै रिट खारेज गरेको हो ।
