(सागर थापा)
दाङ । जिल्ला ट्राफिक प्रहरी कार्यालय दाङले एक सय साठी जना सवारी चालक तथा सहचालकको स्वास्थ्य परिक्षण गरेको छ ।
ट्राफिक प्रहरीले सवारी चालक तथा सह चालकलाई लक्षित गरी आयोजना गरेको स्वास्थ्य परिक्षण शिविरमा ती चालक तथा सहचालकको स्वास्थ्य परिक्षण गरिएको हो ।
लमही बसपार्कमा भित्र स्वास्थ्य परिक्षण तथा परामर्श शिविर संचालन गरेर चालक र सहचालकहरुको लागि स्वास्थ्य परिक्षण गर्नुका साथै आखाको पनि चेक गर्दै उनीहरुलाई विभिन्न प्रकारका परामर्श दिएको जिल्ला ट्राफिक प्रहरी कार्यालय दाङका ट्राफिक प्रमुख प्रहरी निरिक्षक झबिन्द्र परियारले जानकारी दिनुभयो 
।
सो शिविरमा एकै दिन मात्र १ सय ४ जना सवारी चालक तथा सहचालकले स्वास्थ्य परिक्षण गराएका छन ।
दाङको लमहीमा नि.शुल्क स्वास्थ शिविर परिक्षणका क्रममा अधिकाशंलाई ब्लड प्रेसर र आँखाको समस्या देखिएको अस्थायी ट्राफिक पोस्ट लमहीका ट्राफिक प्रमुख बिक्रम बिकले बताउनु भयो ।
नि.शुल्क स्वास्थ परिक्षण गर्न पाउदा
चालक र सहचालकहरु यो कामबाट निकै खुशी देखिएका छन ।
लामो तथा छोटो दुरीका सवारी चालकहरुलाई समय अभावका कारण नियमित स्वास्थ्य परिक्षणमा समस्या देखिएकाले दाङ ट्राफिक प्रहरी आफैले बृहत स्वास्थ्य शिविरको आयोजना गरेको ट्राफिक प्रमुख परियारले जानकरी दिनु भयो ।
स्वास्थ शिविरहरु जिल्लाका अन्य स्थानमा पनि आयोजना गरिने ट्राफिक प्रहरी कार्यालय दाङले जनाएको छ ।
कार्यक्रम जिल्ला ट्राफिक प्रहरी कार्यालय दाङ लमही आँखा अस्पताल लमही दाङ
लमही नगरपालिका स्वास्थ शाखा दाङ यातायात व्यावसायि नागरिक समाज जनप्रतिनिधि पत्रकारहरु लगाएतको सहभागिता रहेकोे थियो ।
