सरुवा भएका एसपीहरुको बिदाई गर्दै एआईजी रबिन्द्र सिंह धानुक

ABC (क्राईमबिट)
काठमाडौं । नेपाल प्रहरी प्रधान कार्यालय मानवश्रोत विकास विभाग कर्मचारी प्रशासन शाखाको विभिन्न मितिको पत्रले काठमाण्डौ उपत्यका प्रहरी कार्यालय,रानीपोखरीमा कार्यरत रही विभिन्न कार्यालयहरूमा सरुवा हुनु भएका प्रहरी उपरीक्षकहरूलाई सोमबार एक समारोहका बीच प्रमुख अतिथि प्रहरी अतिरिक्त महानिरीक्षक रबिन्द्र बहादुर धानुकले नयाँ कार्यक्षेत्रको सफलताको शुभकामना सहित विदाई गर्नु भयो । विदाई भई जान लाग्नु भएका प्रहरी उपरीक्षकहरूमा प्र.उ. जनार्दन जि.सी. गण्डकी प्रदेश प्रहरी गण पोखरा, प्र.उ. दिलिप घिमिरे जिल्ला प्रहरी कार्यालय ईलाम र प्र.उ. बिष्णुहरी कोइराल नेपाल प्रहरी विशेष सुरक्षा गण जनकपुर धनुषामा सरुवा हुनु भएको छ । कार्यक्रममा प्रहरी नायव महानिरीक्षक, प्रहरी वरिष्ठ उपरीक्षक प्रहरी उपरीक्षक लगायत सिनियर प्रहरी अधिकृतहरूको उपस्थिति रहेको थियो ।