ABC (क्राईमबिट)
काठमाडौं । ललितपुरको नख्खु कारागार भित्र कारागार नाइकेले मनोमानी गरेको भन्दै कैदी बन्दीहरूले नाराबाजी र प्रदर्शन गरेका छन् ।
स्रोतका अनुसार कैदी बन्दीहरूले नयाँ कैदी बन्दीसँग पैसा असुल्ने र महंगोमा सामान बिक्री गर्ने गरेको भन्दै नाइकेविरुद्ध आन्दोलित बनेका हुन् । बुधबार बिहानैदेखि उनीहरूले नाराबाजी र प्रदर्शन गरेका हुन् ।
४ सयभन्दा धेरै संख्यामा रहेका बन्दीहरूले नाइके फेर्नुपर्ने लगायत माग गर्दै प्रदर्शन गरेका हुन् । यस क्रममा दुई समूहबीच झडप समेत भएको थियो । कारागार प्रमुख सुवास लामिछानेले भने सीमित व्यक्तिविरुद्ध अर्को समूहले नाराबाजी गरेको बताए ।
विरोधको क्रममा कारागारभित्र कुटपिट पनि भएको हुनसक्ने उनले बताए । तर यसबारे छानबिन हुने उनको भनाइ छ ।
