ABC (क्राईमबिट)
काठमाडौँ । नेपाल प्रहरीमा रिक्त रहेको प्रहरी सहायक निरीक्षक (जनपद) पदको अन्तिम नतिजा प्रकाशन गरिएको छ । प्रहरी प्रधान कार्यालयले मंगलबार नतिजा सार्वजनिक गरेको हो ।
अन्तिम नतिजामा उत्तीर्ण भई नियुक्तिका लागि सिफारिस भएका ४४३ जना छन् । वैकल्पिक सूचीमा रहेको उम्मेदवारहरूको पनि नामावली प्रकाशन गरिएको छ ।
“नेपाल प्रहरीमा रिक्त रहेको प्रहरी सहायक निरीक्षक (जनपद) पदमा खुला प्रतियोगिताद्वारा समावेशी प्रावधानबमोजिम पदपूर्ति गर्न नेपाल प्रहरी प्रधान कार्यालयबाट मिति २०७८-०६-२२ गते प्रकाशित विज्ञापन अनुसार नेपाल प्रहरी प्रधान कार्यालय, नक्सालमा सञ्चालन भएको सक्षमता परीक्षण तथा अन्तर्वार्ता परीक्षामा सहभागी भएका उम्मेदवारहरूमध्ये योग्यताक्रमानुसार उत्तीर्ण भई नियुक्तिको लागि सिफारिस भएका मुख्य र वैकल्पिक सूचीमा रहेका निम्न उम्मेदवारहरूको अन्तिम नतिजा प्रकाशन गरिएको छ,” सूचनामा उल्लेख छ ।
सूचनामा थप भनिएको छ, साथै, अन्तिम नतिजामा उत्तीर्ण भई नियुक्तिको लागि सिफारिस भएका मुख्य उम्मेदवारहरूले सम्बन्धित प्रहरी कार्यालयबाट उपलब्ध गराइएको प्रवेश पत्र, नेपाली नागरिकताको प्रमाणपत्र तथा आफूले प्राप्त गरेको शैक्षिक योग्यताको सक्कलै प्रमाणपत्रहरू र प्रतिलिपिहरू दुई-दुई प्रति, पासपोर्ट साइजको फोटो चार प्रति साथमा लिई मिति २०७९–०५-०६ गते सोमबार ११ः०० बजे नेपाल प्रहरी प्रधान कार्यालय, मानवस्रोत विकास विभाग, कर्मचारी प्रशासन शाखा, नक्साल काठमाडौंमा उपस्थित हुनुहुन सम्बन्धित उम्मेदवारहरूको जानकारीको लागि सूचित गरिन्छ ।”
