ABC (क्राईमबिट)
काठमाडौं । मुलुकको शान्ति सुरक्षा मिलेर मजबुद बनाउने विषयमा नेपाल प्रहरीका प्रहरी महानिरीक्षक धिरजप्रताप सिंह र सशस्त्र प्रहरी बल नेपालका महानिरीक्षक राजु अर्यालबीच परामर्श भएको छ ।
१ नम्बर प्रदेशस्तरीय अपराध अनुसन्धान समीक्षा गोष्ठीमा आईजीपी सिंह र अर्यालबीच भएको भेटवार्तामा मंसिर ४ गतेको प्रतिनिधि सभा र प्रदेश सभाको निर्वाचन शान्तिपूर्ण रुपमा सफलताका साथ सम्पन्न गर्नेबारेमा परामर्श भएको हो । देशको शान्ति सुरक्षा मजबुद बनाउने विषयमा दुई आईजीपी बीच भएको बैठकमा एकअर्काबीच समन्वय गरेर अगाडि बढ्ने सहमति पनि भएको छ ।
साथै महानिरीक्षक सिंहले सीमावर्ती क्षेत्रमा हुने अपराध, तस्करी, मिटरब्याजी जस्ता गतिविधि नियन्त्रणका लागि प्रहरी निर्ममताका साथ लाग्नुपर्ने र आपराधिक क्रियाकलाप एवं गतिविधिहरूमाथि विषेष निगरानी राख्न प्रहरी कर्मचारीलाई निर्देशन दिएका छन ।
