ABC (क्राईमबिट) बसपार्कभित्रबाट सञ्चालन गर्न काठमाडौं महानगरपालिकासहित सम्बन्धित संस्थाले आग्रह गरे पनि त्यस क्षेत्रका व्यवसायी भने पुरानै स्थानबाट सञ्चालन गर्न पाउनुपर्ने मागसहित आन्दोलनमा उत्रेका थिए।
त्यस क्रममा प्रहरीमाथि ढुंगा प्रहार गर्नेदेखि प्रहरीको गाडी आगजानी गर्नेसम्मका घटना भएको थियो। आन्दोलनकारीले बालाजु चोकमा रहेको अस्थायी प्रहरी बिट जलाउनुका साथै प्रहरीको एउटा गाडीमा आगो लगाएका थिए र अर्को एउटा तोडफोड गरेका थिए। साथै बेलुकीपख मानिसहरूको भीडले नयाँबसपार्क क्षेत्रभित्र रहेको ल्होत्से मलमा तोडफोड गर्दै मोबाइल पसलमा लुटपाट गरेको थियो। व्यसायीहरूले कम्तीमा ८ कराेड रुपैयाँ बराबरकाे माेबाइल लुटिएकाे दाबी गरेका छन्।
त्यति ठूलाे घटना भइरहँदा पनि प्रहरीले उचित सुरक्षाा व्यवस्थापन गर्न नसकेकाे भन्दै प्रश्न उठेकाे थियाे।
यातायात मजदुरहरूले मंगलबारदेखि उपत्यकाभित्र सार्वजनिक यातायात बन्दकाे घाेषणासमेत गरेका थिए। बिहान सरकारसँगकाे वार्तापछि आन्दोलन फिर्ता गर्न उनीहरू सहमत भएका छन्।
