(राजन थारू)
कैलाली । शनिबार कर्णाली प्रदेशको सुर्खेतमा आयोजित एक नागरिक अभिनन्दन कार्यक्रमलाई सम्बोधन गर्दै पूर्वराजा ज्ञानेन्द्र शाहले लम्पसार परेर बाँच्नु नेपालीको अपमान हो।
आफ्नो पहिचान नेपालीको जनताको शान भएको उनको भनाइ रहेकोे थियो । ‘आफ्नो मौलिकता र सभ्यता हाम्रो स्वाभिमान हो । कसैको अगाडि लम्पसार परेर बाच्नु हाम्रो अपमान हो,’ । एकजुट भएर राष्ट्रको निम्ति एकसाथ अघि बढ्न उनको आग्रह थियो ।
आफ्नो पहिचान हाम्रो शान हो । आफ्नो मौलिकता र सभ्यता,सन्सकृति हाम्रो स्वाभिमान हो । कसैको अगाडि लम्पसार परेर बाच्नु हाम्रो अपमान हो ।
हामी जहाँजहाँ पुग्छौँ, त्यहाँ त्यहाँ नेपालीहरुको यस्तै यस्तै आजाव सुन्छु । त्यसैले अब कसरी जाने?, के कस्तो विधि व्यवस्था अंगाल्ने? हाम्रो गौरव गरिमालाई कसरी बचाउने? अब सोचौं, के गर्दा देश राम्रो हुन्छ? के नगर्दा देशलाई फाइदा हुन्छ, सोचौं । राष्ट्रवाद फस्टाउनलाई राष्ट्रप्रेमको खाँचो हुन्छ । नेपालको पिरमर्का बुझ्न नेपाली मनले मात्र सक्छ । अब हामी भन्छौं, मिलौं । हामी सबै मिलौं । त्यसैले हामी भन्दछौं, जुटौं । हामी सबै एक भएर जुटौं । त्यसैले हामी भन्दछौं, हामी नफुटौं । परस्परमा सहकार्य गरेर विकासको निम्ति डटौं । त्यसैले फेरिपनि भन्छौं, जुटौं, खटौं र डटौं ।
स्वधर्मबाट हटेर होइन एकजुट भएर राष्ष्ट्रको निम्ति एकसाथ अघि बढौं ।उक्त कार्यक्रममा जनताले नारा लगाएका थिए हाम्रो राजा हाम्रो देश प्राणभन्दा प्यारो छ । सबैलाई फेरि एकपटक धन्यवाद, जयनेपाल ।
