ABC (क्राईमबिट)
बारा । चितवनको भरतपुर महानगरपालिका वडा नाे.१६ सूर्योदय टोलबाट लागूऔषधसहित बाराका २१ वर्षीय रबिन कुमार यादवलाई प्रहरीले नियन्त्रणमा लिएको छ।
शनिबार साँझ नियन्त्रित लागूऔषध डाइजेपाम १ सय ५२ एम्पुल, नुर्फिन १ सय ५२ एम्पुल र फेनारगन १ सय ५१ एम्पुलसहित रबिन यादवलाई प्रहरीले पक्राउ गरेको छ ।
भरतपुर महानगरपालिका–१६ मा रुपेश लामाको घरमा लागूऔषधको कारोबार भइरहेको भन्ने प्राप्त सूचनाको आधारमा घर खानतलासी गर्ने क्रममा उक्त लागूऔषधसहित फेलापरेको थियो । हाल फरार रुपेश लामाको प्रहरीले खोजी गरिरहेको छ ।यता कञ्चनपुरको बेलौरी नगरपालिका–१० कानीखल्लाबाट अवैध लागूऔषध खैरो हेरोइन जस्तो देखिने पदार्थ ६ ग्राम ९२ मिलिग्रामसहित बेलडाँडी गाउँपालिका–१ बस्ने २१ वर्षीय अर्जुन चौधरीसमेत २ जनालाई शनिबार साँझ प्रहरीले पक्राउ गरेको छ ।
प्रहरी चौकी भुडासमेतबाट खटिएको प्रहरी टोलीले उनीहरुलाई उक्त पदार्थसहित फेला पारी पक्राउ गरेको थियोे ।यस सम्बन्धमा प्रहरीले थप अनुसन्धान कार्य भैरहेको जस्नकारी गराएको छ।
