ABC (क्राईमबिट)
काठमाडौं ।वराष्ट्रिय प्रहरी प्रशिक्षण प्रतिष्ठानमा मिति २०८० जेठ ०१ गते बाट सञ्चालित २० कार्यदिन अवधिको “Strategic Command and Managejment (SCM) तेस्रो समूह (DIGP/SSP) अन्तर्गत आज मिति २०८० जेठ १४ गते आईतबार “शान्ति सुरक्षाको वर्तमान अवस्था, विद्यमान चुनौती र सामना गर्नका लागि अपनाउनुपर्ने आवश्यक रणनीतिहरु” बिषयमा Panel Discussion कार्यक्रम सम्पन्न भएको छ ।
कार्यक्रममा श्रीमान् गृह सचिव दिनेश भट्टराईज्यू ,नेपाल प्रहरी संगठन प्रमुख श्रीमान् प्रहरी महानिरीक्षक बसन्त बहादुर कुँवरज्यू, श्रीमान् सशस्त्र प्रहरी महानिरीक्षक राजु अर्यालज्यू, राष्ट्रिय अनुसन्धान विभागका मुख्य अनुसन्धान निर्देशक श्री हुतराज थापाज्यू, प्रतिष्ठानका कार्यकारी निर्देशक श्रीमान् प्रहरी अतिरिक्त महानिरीक्षक टेक प्रसाद राईज्यू Panelist को रुपमा उपस्थित हुनुहुन्थ्यो । साथै यस प्रतिष्ठानका निर्देशक तथा उक्त तालिमका तालिम संयोजक प्रहरी नायव महानिरीक्षक रविन्द्र के.सीज्यूले समन्वयकारी र सहजकर्ताको भूमिका निर्वाह गर्नुभएको थियो ।
प्रशिक्षणमा सहभागी प्रहरी अधिकृतहरुबाट “शान्ति सुरक्षाको वर्तमान अवस्था, विद्यमान चुनौती र सामना गर्नका लागि अपनाउनुपर्ने आवश्यक रणनीतिहरु” विषय लगायत अन्य व्यावसायिक तथा समसामयिक विषय वस्तुहरुमा उठेका प्रश्न तथा जिज्ञासाहरुको श्रीमानहरुबाट सम्बोधन भएको थियो ।
कार्यक्रमको अन्त्यमा श्रीमान् कार्यकारी निर्देशकज्यूले, श्रीमान् गृह सचिवज्यू , श्रीमान प्रहरी महानिरीक्षकज्यूहरु र मुख्य अनुसन्धान निर्देशकज्यूको रा.प्र.प्र.प्र.मा गरीमामय उपस्थितिको लागि उहाँहरुलाई धन्यवाद ज्ञापन गर्नु भयो ।
