ABC (क्राईमबिट)
महोत्तरी । नेपाल सरकारका माननीय उपप्रधान एव गृहमन्त्री नारायणकाजी श्रेष्ठको समुस्थितिमा “अल्पसंख्यकसंग प्रहरी” कार्यक्रमको १४ औ भाग आज २०८० साल जेष्ठ २७ गते रामगोपालपुर न.पा – ४ को सामुदायिक भवनमा सम्पन्न भयो। कार्यक्रममा सो क्षेत्रमा बसोबास गर्ने सदा, पासवान, खत्वे, महरा समुदायले आफ्ना पिरमार्का, गुनासो र आफु बिरुद्द हुने गरेका विभेद तथा हिंसाका वारेमा माननीय मन्त्रिज्यू समक्ष खुलेर राखेका थिए ।
कार्यक्रममा आएका गुनासोलाई सम्बोधन गर्दै माननीय मन्त्रिज्यूले अबको प्रहरी सेवा प्रवाह सुकिला मुकिला हुने खानेको लागि मात्र नभई समाजका अलपसंख्यक, सिमान्तकृत, पिछडिएको, उत्पीडित र पहुचविहिन बर्गको लागि हुनु पर्ने कुरामा निर्देशन दिनुभयो ।
सो कार्यक्रममा मधेश प्रदेश सरकारका राज्य मन्त्री, माननीय, पूर्व मन्त्री, प्रमुख जिल्ला अधिकारी, नेपाल प्रहरी, सशस्त्र प्रहरी र राष्ट्रिय अनुसन्धान विभागका प्रदेश प्रमुखज्यूहरुको उपस्थिती थियो ।
