ABC (क्राईमबिट)
पर्सा । पटेर्वासुगौली गाउँपालिका वडा नं.५ स्थित देउरी भन्ने स्थानमा मिति २०८०/०२/३०गते राती अन्दाजी ३ बजेको समयमा लागु औषध बोकी आउदै गरेको विशेष सूचनाको आधारमा रङ्गपुरटाडि प्रहरी चौकी मातहतका खटिएको प्रहरी टाेलिले उक्त लागु औषध खोजतलासको क्रममा भतौरबाट देउरीतर्फ पैदल आउदै गरेको ३/४ जना मानिसहरूले टाउकोमा बोकी ल्याउदै गरेको २ वटा बोरा प्रहरी टोलीलाई देख्नासाथ बोकी ल्याएको लागु औषध छाडी भागी फरार भएकोमा उक्त बोरालाई कानूनी रीतपुर्याई खानतलासी गर्दा सो बोराभित्र प्लाष्टिकले बेरिएको लागु औषध गाँजाको धुलो ३ पोकामा १२ के.जी.२३० ग्राम र लागु औषध चरेश २२ प्याकेटमा २० के.जी.८० ग्राम फेला परेको हुँदा उल्लेखित परिमाणको लागु औषध बरामद गरी थप अनुसन्धान भैरहेको जिल्ला प्रहरी कार्यालय पर्साका प्रव्क्ता प्रहरी नायब उपरीक्षक निर्मल बुढाथोकी ले जानकारी गराउनु भएको छ।
