होलेरीमा मन्दिरको जग्गामा ब्यक्तिको पक्कि घर कम्जोर र रमिते बन्यो स्थानिय सरकार

(नन्दराम खड्का)

रोल्पा । रुन्टीगढी गाउँपालिका ९ होलेरीमा देवि भगवति मन्दिरको जग्गा समाजका हुनेखाने तथा पहुच भएकाहरुले अतिक्रमण गरेर पक्कि घर बनाएको बर्षौँ बित्यो।स्थानिय सरकार रुन्टीगढी गाउँपालिका रमितेकै रुपमा सिमित भएर कम्जोर बनिरहेको छ।जुर्नेटा तिलाजाने मोड स्थित रहेको जग्गा २०५२ अघिसम्म देविभगवती मन्दिर थियो।नक्सामा समेत मन्दिरमै रहेको उल्लेख छ।तर अहिले मन्दिरका जग्गामा हुनेखानेहरुको पक्कि बंगला उभिएका छन्।नाममा एकसुको जमिन नभएकाहरु प्राण बचाउन ठुलो संघर्ष गरेर बाचिरहेका छन् तर समाजका हुनेखाने तथा पहुँचवालाहरुले शक्तिका आडमा सार्वजनिक सम्पत्ति कब्जा गरिसकेका छन्।स्थानिय सरकार सञ्चालन ऐन अनुसार सार्वजनिक सम्पत्तिको संरक्षण गर्ने जिम्मा स्थानिय तहलाईनै सुम्पिएको छ।निर्वाचित भए यता काठमाडौँका मेयर बालेनले कयौं अतिक्रमित संरचनाहरुमा डोजर चलाई सके,धनगढीका मेयर गोपाल हमाल त्यस्तै चितवनका मेयर रेणु दाहालले पनि सार्वजनिक सम्पत्ति अतिक्रमण गरेर बनाईएका संरचनाहरु डोजर चलाई सकेका छन्।रुन्टीगढी गाउँपालिका किन कम्जोर बनिरहेको छ भन्ने प्रश्न र गुनासो आजभोलि यत्रतत्र सर्वत्र छताछुल्ल हुन थालेको छ।यस सम्बन्धमा सबै अधिकार प्राप्त रुन्टीगढी गाउँपालिका रमिते मात्रै बनिरहनुले सर्वसाधारण जनताहरुमा अनेकौं किसिमका शंका तथा आशंकाहरु उब्जन थालेका छन्।रहस्यको राज भने बिस्तारै खुल्दै जाने स्थानियको भनाई रहेको छ।युवा नेतृत्व गापा अध्यक्ष जनक पुन तथा स्थानिय सरकार रुन्टीगढी गाउँपालिका सर्वसाधारणका पक्षमा छन् वा सम्पन्न ब्यक्तिहरुको पक्षमा यसको निर्णय भने स्वयं स्थानिय सरकारकै हातमा रहेको छ।