ABC (क्राईमबिट)
काठमाडौं । नेपाल प्रहरी अपराध अनुसन्धान विद्यालय, महाराजगंजमा संचालन भएको “महिला तथा बालबालिकासँग सम्बन्धित अपराध अनुसन्धान तालिम (सि.प्र.अ.)” १३ औं समुहको समापन कार्यक्रम आज मिति २०८०।०३।१५ गते राष्ट्रिय प्रहरी प्रशिक्षण प्रतिष्ठानका कार्यकारी निर्देशक प्रहरी अतिरीक्त महानिरीक्षक श्री टेक प्रसाद राईज्यूको प्रमूख आतिथ्यतामा सम्पन्न भएको छ । उक्त कार्यक्रममा प्रमुख अतिथिज्यूबाट दीक्षीत भई जाने ५ जना महिला सहित जम्मा २४ जना प्रहरी अधिकृतहरूलाई प्रमाणपत्र वितरण गर्नुका साथै कार्यक्षेत्रमा उपयोगी मार्गनिर्देशन तथा शुभकामना सहितको निर्देशन सम्बोधन गर्नु भएको थियो ।
साथै, उक्त कार्यक्रममा यस प्रतिष्ठानका सह-निर्देशक प्रहरी बरिष्ठ उपरीक्षक श्री मधुसुदन लुइटेलज्यू, नेपाल प्रहरी अपराध अनुसन्धान विद्यालयका प्रधानाचार्य प्रहरी बरिष्ठ उपरीक्षक श्री दिपेन्द्र जि.सी.ज्यू, प्रतिष्ठानका सह-निर्देशक प्रहरी बरिष्ठ उपरीक्षक श्री वेल बहादुर पाण्डेज्यू लगायत अन्य सिनियर प्रहरी अधिकृतज्यूहरुको समेत उपस्थिति रहेको थियो भने तालिम संयोजक प्रहरी उपरीक्षक श्री सुरेश प्रसाद काफ्लेज्यूले तालिम सम्बन्धी प्रतिवेदन प्रस्तुत गर्नु भएको थियो ।
