भन्सार छलेको अबैध खाद्यान्न तथा कपडाहरू पर्सा प्रहरीद्वारा पक्राउ

ABC (क्राईमबिट)

पर्सा । वीरगञ्ज महानगरपालिका वडा नं.१६ रजतजयन्ती चोक स्थित बिशेश सूचना को आधारमा सडकखण्डबाट भन्सार छली चोरी पैठारी गरी १०/१२ जना अपरिचित व्यक्तिहरूले टाउकोमा विभिन्न किसिमका लत्ताकपडाहरू तथा खाद्यान्न लगायतका मालबस्तुहरू वीरगञ्जतर्फ भित्राउदै गरेको अवस्थामा इनर्वा प्रहरी चौकी बाट वरिष्ठ साई बिनोद काफ्लेको कमान्ड खटिएको प्रहरी टोलीलाई देख्नासाथ बोकी ल्याएको मालबस्तुहरू छाडी भागी फरार भएकोले उक्त मालबस्तुहरू वेवारिसे अवस्थामा फेला अं.रू.५,९५,८३०।– ( पाँच लाख पन्चान्वे हजार आठ सय तिस) बराबरको बिभिन्न किसिमका लत्ताकपडा तथा खाद्यान्न सामाग्रीहरू आवश्यक कारवाहीको लागि आजै वीरगञ्ज भन्सार कार्यालयमा बुझाइएको पर्सा जिल्ला प्रहरी कार्यालयका प्रहरी नायब उपरीक्षक एवम् प्रव्क्ता दिपक गिरिले जानकारी गराउनु भएको हो।