(सागर थापा)
दाङ । समुदाय प्रहरी साझेदारी कार्यक्रम अन्तर्गत घोराही उपमहानगरपालिका वडा नं. १४ स्थित घोराही बसपार्कमा “अन्तराष्ट्रिय मानव बेचबिखन विरुद्धको दिवस”को अवसरमा जिल्ला प्रहरी कार्यालय दाङको आयोजना तथा यातायात ब्यवसायी, सवारी चालक, सहचालक, सवारी धनी, यात्रु, स्थानीय ब्यापारी तथा स्थानीय नागरिकहरु लगायत अन्दाजी ७०।८० जनाको सहभागितामा प्रहरी नायव उपरीक्षक राजन कुमार गौतम समेतको प्रहरी टोली खटिई सहभागिहरुलाई मानव बेचबिखन तथा ओसारपसारको परिभाषा, बेचबिखनको कारण, बेचबिखनबाट बच्ने उपायहरु, मानव बेचबिखन तथा ओसारपसार नियन्त्रण गर्न बनेको बिद्यमान कानूनी प्रावधान, मानव बेचबिखन हुन लागेको थाहा पाएमा प्रहरीलाई खबर गर्ने माध्यम लगायत बिषयमा सचेतनामूलक जानकारी दिनुको साथै मानव बेचबिखन तथा ओसारपसार नियन्त्रण सम्बन्धमा तयार पारिएको सचेतनामूलक पर्चा १०० थान बितरण गरिएको ।
