ABC (क्राईमबिट)
पर्सा । पर्सागढी नगरपालिका वडा नं.१ मनवा बजार स्थित यस कार्यालय मातहत प्रहरी चौकी मनवाबाट खटिएको प्रहरी टोलीले चेकजाँच गर्ने क्रममा BR22 AJ 3199 नम्बरको कालो रंगको सुपर स्पलेण्डर मो.सा.लाई रोकी चेकजाँच गर्ने क्रममा भारत विहार जिल्ला पश्चिम चम्पारण पोष्ट भंगाहा जसौली बस्ने वर्ष ३५ को लालु मियाँको शरिर कानूनी रीतपुर्याई खानतलासी गर्दा निजले लगाएको पाइन्टको खल्तीवाट भारतीय प्रतिबन्धित रू.५०० दरका नोट २४९ थान, भारतीय रू.१०० दरका नोट थान-२ र रू.२० दरका नोट-३ गरी जम्मा भातीय रू.१,२४,७,६०।– ( एक लाख चौवीस हजार सात सय साठी ) 
फेला परेको हुदाँ उल्लेखित नम्बरको मो.सा.सहित निजलाई नियन्त्रणमा लिइ आवश्यक कारवाहीको लागि मिति २०८०।०४।२१ गते राजश्व अनुसन्धान कार्यालय पथलैया, बारामा बुझाएको जिल्ला प्रहरी कार्यालय पर्साका प्रहरी नायब उपरीक्षक एवम् सुचना अधिकारी दिपक गिरिले जानकारी गराएको छ।
