ABC (क्राईमबिट)
दाङ । घोराही उपमहानगरपालिका १८ शङ्खे पिपल नजिक ऐ.१३ लाहुरेडाँडा बस्ने नर बहादुर पुनको छोरा बर्ष १८ को तिर्थ बहादुर पुनलाई अपरिचित अं.३/४ जना व्यक्तिहरुको समुहले धारिलो हतियार (खुकुरी) प्रहार गरि टाउको, अनुहार र बाँया हातको कान्छी औँला बाहेक सबै औँलाको हड्डी काटिएको, औँला हातमै रही गम्भिर घाइते भएको अबस्थामा वडा प्रहरी कार्यालय घोराही दाङको प्रहरी टोलीले फेला पारी तत्काल राप्ती स्वास्थ्य विज्ञान प्रतिष्ठान घोराही दाङमा उपचारको लागि पठाइएकोमा थप उपचारका लागि मिति २०८०।०४।११ गते मेडिकल कलेज भैरहवामा रिफर गरिएको र हालसम्म पनि सोही अस्पतालमा उपचार भईरहेको घटना सम्बन्धमा तत्काल खुकुरी प्रहार गर्ने व्यक्तिहरु र खुकुरी प्रहार गर्नुको कारण समेत नखुलेकोमा वारदात स्थल र घटना प्रकृतिलाई विविध प्राविधिक तथा मानविय तवरबाट अनुसन्धान एवं सो घटना केन्द्रित सर्च अपरेसन चलाई फरार व्यक्तिहरूलाई खोजतलास गर्ने क्रममा १४ दिन पश्चात मिति २०८०।०४।२४ गते अनुसन्धानको क्रममा खुल्न आएका सो घटनामा संलग्न निम्न व्यक्तिहरूलाई निजहरुको घर ठेगानामा फेला पारी रितपुर्वक पक्राउ गरी ‘पिडितबाट ज्यान मार्ने उद्योग’ सम्बन्धि कसुरमा जाहेरी लिई सम्मानित दाङ जिल्ला अदालतबाट दिन ५ (पाँच) म्याद लिई थप अनुसन्धान कार्य भईरहेको ।
पक्राउ परेका व्यक्तिहरुको विवरण:-
(क) जिल्ला दाङ घोराही उप-म.न.पा.वडा नं. १८ बस्ने वर्ष १७ को परिवर्तित नामथर ५६ (०८०।०८१)घोराही ३३(क) ।
(ख) ऐ.ऐ.वडा नं. १४ गणेश मन्दिर टोल बस्ने वर्ष १६ को परिवर्तित नामथर ५६ (०८०।०८१)घोराही ३३(ख) ।
(ग) ऐ.बंगलाचुली गाँउपालिका वडा नं. १ जुम्लेपानी घर भई हाल जिल्ला दाङ घोराही उप-म.न.पा.वडा नं. १८ बस्ने वर्ष २० को को देबेन्द्र कवर मगर ।
(घ) जिल्ला दाङ घोराही उप-म.न.पा.वडा नं.१८ भंगीटोल बस्ने वर्ष १७ को परिवर्तित नामथर ५६ (०८०।०८१)घोराही ३३(ग) ।
(ङ) ऐ.ऐ.वडा नं. १९ सैघा घर भई हाल ऐ.ऐ.वडा नं. १८ बस्ने वर्ष १७ को परिवर्तित नामथर ५६ (०८०।०८१)घोराही ३३(घ) ।
(च) ऐ.ऐ. वडा नं.१८ मसिना बस्ने वर्ष १५ को परिवर्तित नामथर ५६ (०८०।०८१)घोराही ३३(ङ) ।
