(महेन्द्र सिंह)
नेपालगन्ज पुस ०६ जिल्ला ट्राफिक प्रहरी कोहलपुरले कोहलपुरका विभिन्न स्थानहरुमा ट्राफिक सचेतना सम्बन्धी कार्यक्रम गरेको छ।
सवारी दुर्घटना न्यूनिकरणका लागि ट्राफिक प्रहरीको हरदिन प्रशिक्षण कार्यक्रम अन्तर्गत शुक्रबार कोहलपुरको स्कुलमा बिद्यार्थीहरुलाई ट्राफिक सचेतना सम्बन्धी क्लास दिएको हो।
जिल्ला ट्राफिक प्रहरी कार्यालय कोहलपुरका ट्राफिक प्रमुख प्रहरी निरीक्षक गोपी कृष्ण सुबेदि लगायत ट्राफिक प्रमुख प्रहरी नायब निरीक्षकले स्कुलमा विद्यार्थीहरुलाई ट्राफिक नियम,जरिवाना एबम जेब्रा क्रसीङ कसरी गर्ने बारेमा जानकारी दिएका थिए।
स्कुलमा भएको सचेतना कार्यक्रममा स्कुलका प्रीन्सिपल र अन्य शिक्षकहरुको उपस्थिति रहेको थियो भने ५० भन्दा बढी विद्यार्थीहरुको सहभागिता रहेको थियो।
त्यस्तै ट्राफिक सचेतना सम्बन्धी कार्यक्रम गरेको कोहलपुर ट्राफिक प्रमुख सुबेदिले बताए। ट्राफिक प्रहरीले कोहलपुरको चोकमा पैदल यात्रुहरुलाई जेब्रा क्रसीङबाट बाटो कसरी पार गर्ने बारेमा समेत जानकारी गराएको कोहलपुर ट्राफिक प्रमुख सुबेदिले बताए ।
