म्यानमार सेनाको जहाज भारतमा दुर्घटना

म्यानमार सेनाको एक जहाज (एयरक्राफ्ट) भारतको मिजोरममा दुर्घटनामा परेको छ ।चालक दलका सदस्यसहित १४ जना सवार उक्त जहाज मंगलवार मिजोरमको लेंगपुईमा दुर्घटना भएको भारतीय सञ्चारमाध्यम हिन्दुस्तान टाइम्सले जनाएको छ ।दुर्घटनामा परी ६ जना घाइते भएका छन् । उनीहरूको लेंगपुई अस्पतालमा उपचार भइरहेको मिजोरम प्रहरीले जनाएको छ ।उक्त जहाज म्यानमार सेनाका कर्मचारीहरूलाई लिन भारत आएको थियो । लेंगपुई विमानस्थलको धावनमार्गबाट चिप्लिएपछि क्षतिग्रस्त भएको हो ।