नेपालगन्ज बाँके – काठमाडौं रूटमा अर्को नयाँ बस संचालनमा आएको छ । आजदेखि सञ्चालनमा ल्याइएको निओलाइनर एयर बसका टिमले आफ्नो पहिलो ट्रिपमा यात्रा गर्ने सम्पूर्ण यात्रुहरुलाई खादा ओढाई स्वागत गरी गन्तव्यमा पठाएको छ ।
अनन्त सिद्धि बल्लव यातायात प्रा .लि.ले नेपालगन्जदेखि काठमाडौं र काठमाडौंदेखि नेपालगन्जसम्मका लागि तिनवटा बस संचालनमा ल्याएको हो ।
अनन्त सिद्धि बल्लव यातायात प्रालिका अध्यक्ष योगेन्द्र सिंह ठकुरीका अनुसार बसमा सोफा लक्जरी थाइरेस्ट सेमी स्लिपर फोल्डिङ्ग सिट , एसी तथा हिटर , मोबाईल चार्जर होल्डर , सिसी टिभी , एलइडी टिभी र पानीको व्यवस्था सहितको सुविधा रहेको छ ।
पुराना तथा अन्य गाडीभन्दा फरक सिट भएको हुँदा जाडो र गर्मीमा यात्रुलाई कुनैपनि झन्झट नहुने र आरामले काठमाडौंसम्म यात्रा गर्न सकिने खालको बस संचालनमा आएको अध्यक्ष योगेन्द्र सिंह ठकुरीको भनाई छ ।
बसमा ३७ सिट रहेको र सिटभन्दा बढी यात्रु नराख्ने ठकुरीले प्रतिबध्दता समेत जनाएका छन् ।
बसमा दुईवटा चालकको व्यवस्था गरिएको प्रालिका उपाध्यक्ष बिनोद थापाले जानकारी गराएका छन् । 
भने यात्रा गर्दा कुनै पनि समस्या पर्दा सिधै आफ्नो नम्बर 9858081587 मा सम्पर्क गर्न पनि थापाले बताएका छन् ।
यस बसबाट यात्रा गर्न आफ्नै टिकट काउन्टर नेपालगन्ज बसपार्क , कोहलपुर बसपार्क , काठमाडौ बसपार्क लगाएतका स्थानबाट टिकट काट्न बैंक को एप वा इसेवा एपद्वारा अनलाइन माध्यमबाट समेत सिधै टिकट काट्न सकिने छ भने बस छुट्ने समय नेपालगन्ज तथा काठमाडौंबाट साँझ ५:३० बजे रहेको छ ।
टिकटको लागि अन्य सम्पर्क नम्बरहरुमा 9860296273 , 9866170475 , 9848289276 , 9866233933 , 9858059358 र 9867449494 रहेका छन् ।
