मकवानपुर । बागमती प्रदेश प्रहरी कार्यालय हटौंडामा संचालन भएको नेपाल प्रहरीका पूर्व प्रहरी कर्मचारी /अमर प्रहरी परिवार तथा बहालवाला प्रहरी कर्मचारी स्वावलम्बी कार्ययोजना-२०८१ अन्तर्गत १६ कार्यदिनको अटोरिक्सा चालक तालिम प्रथम समूहको आज मिति २०८१।१२।१७ गते बागमती प्रदेश प्रहरी प्रमुख प्रहरी नायव महानिरीक्षक कृष्ण हरि शर्माको प्रमुख आतिथ्यतामा अन्तरक्रिया तथा तालिम समापन कार्यक्रम सम्पन्न भएको छ ।
उक्त कार्यक्रममा प्रहरी उपरीक्षकज्यूहरु, प्रहरी नायव उपरीक्षकज्यूहरु, प्रहरी निरीक्षकज्यूहरु, प्रशिक्षकहरु तथा तालिममा सहभागी पूर्व प्रहरी कर्मचारी १२ जना र वहालवाला प्रहरी कर्मचारी १३ जना गरी जम्मा २५ जना प्रशिक्षार्थीहरुको उपस्थितिमा कार्यक्रम सम्पन्न भएको छ ।
साथै उक्त अवसरमा प्रमुख अतिथिज्यूले प्रशिक्षार्थीहरुलाई प्रमाणपत्र वितरण तथा तालिम सफलतापूर्वक सम्पन्न गरेकोमा बधाईका साथै तालिममा स्वइच्छुक रूपमा सहभागी भइ कर्मशिल भएर आफ्नो सीप विकास गर्नु भएकोले व्यक्तिगत एवं पारिवारीक जीवन सुखी र खुसिमय बितोस भन्ने शुभकामना समेत दिनु भएको थियो ।
