मकवानपुर । बागमती प्रदेश सरकार आन्तरिक मामिला तथा कानून मन्त्रालय, हेटौंडाको विनियोजित बजेटबाट यस जिल्ला प्रहरी कार्यालय मकवानपुरको हाताभित्र नवनिर्मित महिला ब्यारेक भवन आज मिति २०८२ बैशाख १० गते बुधवार बागमती प्रदेशका आन्तरिक मामिला तथा कानून मन्त्री माननीय सुरजचन्द्र लामिछाने ज्यूको प्रमुख आतिथ्यतामा समुद्घाटन कार्याक्रम सम्पन्न भयो ।
उक्त कार्यक्रममा हेटौंडा उप-महानगरपालिकाका प्रमुख मीना कुमारी लामा ज्यु, प्रमुख जिल्ला अधिकारी श्री स्किम श्रेष्ठज्युबाट शुभकामना मन्तव्य व्यक्त गर्नुका साथै प्रमुख अतिथि ज्यूबाट नवनिर्मित महिला भवन निर्माण कार्यमा योगदान पर्याउनु हुने गौरीगणेश कन्स्ट्रक्सनका संचालक पवन कुमार मिश्र ज्यूलाई प्रशंसा पत्र तथा प्रहरी वरिष्ठ हवल्दार ज्ञान बहादुर राई र प्रहरी हवल्दार असर्फिलाल साहलाई प्रशंसा पत्र सहित नगद पुरस्कारद्वारा पुरस्कृत गरिएको थियो । उक्त कार्यक्रममा बागमती प्रदेश प्रहरी प्रमुख प्र.ना.म.नि.श्री कृष्ण हरि शर्मा ज्यूबाट उपस्थित सम्पूर्ण महानुभावहरुलाई धन्यवाद ज्ञापन गर्नु भई कार्यक्रम समापन भएको ।
महिला व्यारेक भवन निर्माणको लागि मुल्य अभिबृद्धि कर सहित रु.१,९१,०९,०४२/०३ (एक करोड एकान्नब्बे लाख नौ हजार बयालीस) मा निर्माण सम्पन्न गर्ने गरी मिति २०८० साल असोज ०८ गते Gauriganesh Construction, Gaur-9 Rautahat र जिल्ला प्रहरी कार्यालय मकवानपुर बीच निर्माण सम्झौता भएता पनि केहि डिजाइनहरु थपघट भएकोले परिमार्जित सम्झौता रकम रु. १,९५,७३,१४०/९१ (एक करोड पन्चान्नब्बे लाख त्रिहत्तर हजार एक सय चालिस) को लागतमा निर्माण सम्पन्न भएको हो ।
यस महिला व्यारेकको भवन RCC फ्रेम स्ट्रक्चर अबधारणा अनुसार ५०४.०९ बर्ग मिटर क्षेत्रफलमा तीन तल्ले निर्माण गरिएको छ । यस भवनको भुई तल्लामा ब्यारेक-२, सभाहल-१ र शौचालय/स्नान गृह-२, पहिलो तल्लामा शौचालय र स्नानगृहको सुविधा सहित प्र.ह./प्र.ज.महिला ब्यारेक-२ वटा र दोस्रो अर्थात अन्तिम तल्लामा जु.प्र.अ महिला ब्यारेक-१ वटा, शौचालय/ स्नान गृह सहित सि.प्र.अ. महिला व्यारेक-१ , शौचालय र स्नान गृह-२ वटा व्यवस्थापन गरिएको छ ।
