कैलाली पुस ७ मोहन्याल गाउँपालिकाको मोटरसाइकलले ठक्कर दिएर घाइते भएका बैंकका सुरक्षा गार्डको उपचारको क्रममा मृत्यु भएको छ । गौरीगंगा नगरपालिका ३ झिलस्थित पूर्वपश्चिम राजमार्गमा मोहन्याल गाउँपालिकाको से १ ब ६९१ नम्बरको मोटरसाइकलले बाटोमा हिँडिरहेका राष्ट्रिय बाणिज्य बैंक शाखा चौमलाका गार्ड प्रेमराज ओझालाई ठक्कर दिएको थियो। जिल्ला प्रहरी कैलालीका प्रहरी नायब उपरीक्षक दक्षकुमार बस्नेतले ओझाको भारतको लखनउमा उपचारका क्रममा आइतबार मृत्यु भएको जानकारी दिएका छन् । उनले ओझालाई ठक्कर दिने मोटरसाइकल र चालक प्रहरीको नियन्त्रणमा रहेको बताए ।
