दाङ । रोल्पा र प्यूठान जिल्लामा क्रियाशील पत्रकारहरूलाई लक्षित गर्दै प्यूठानको स्वर्गद्वारी नगरपालिका–३ जुलकेमा समाचार लेखन र न्यु मिडियासम्बन्धी तालिम सञ्चालन गरिएको छ।
लुम्बिनी प्रदेश सरकारअन्तर्गत आन्तरिक मामिला तथा कानुन मन्त्रालयको आर्थिक सहयोगमा नेपाल पत्रकार महासंघ लुम्बिनी प्रदेशले तालिम आयोजना गरेको हो।
आईतबारदेखि सुरु भएको उक्त तालिममा दुई जिल्लाका ३० भन्दा बढी पत्रकारहरूको सहभागिता रहेको थियो। महासंघ लुम्बिनीका उपाध्यक्ष रामप्रसाद आचार्यका अनुसार चेतन अधिकारी र माधव अर्याललगायतले प्रशिक्षण दिएका थिए।
