काठमाडौं । आज काठमाडौं उपत्यकाको तापक्रम २८ डिग्री सेल्सियस पुगेको छ भने तराईका जिल्लामा ४५ डिग्रीसम्म पुगेकाे छ । केही दिन अघि निरन्तर भएको वर्षापछि देशभर तापक्रम बढेको हो ।
गर्मीका कारण जनजीवन प्रभावित बनेको छ । चोक तथा सडकमा छहारी, फलफूल पसलमा सर्वसाधारणको भिड छ ।
उपत्यकालगायत देशभर तापक्रम वृद्धि भएपछि जल तथा मौसम पूर्वानुमान महाशाखाले गर्मीबाट बच्न आवश्यक सतर्कता अपनाउन सार्वजनिक रूपमा आग्रह गरेको छ । तराईलगायत देशभर गर्मी बढ्न सक्ने महाशाखाले जनाएको छ ।
गर्मीकै कारण चिसो खानेकुराहरुको खपत बढेको छ।
