डोल्पा । भौगोलिक दृष्टिमा देशको सबैभन्दा ठूलो जिल्ला हो । त्यहाँ जेठ ५ गतेदेखि यार्चागुम्बा संकलनका लागि सामुदायिक वन तथा राष्ट्रिय निकुञ्ज खुला हुँदैछ । यसक्रममा अनगिन्ती आपराधिक घटना हुने गारेका छन् । तर, जिल्ला प्रहरी नेतृत्वविहीन छ ।
प्रहरी प्रधान कार्यालयले वैशाख १० गते निकालेको सरुवाअनुसार डीएसपी डा। हेमबहादुर केसी त्यहाँ सरुवा भएका थिए । उनी १५ गते हाजिर भए । सात दिनपछि मुद्दा फाटमा कार्यरत रसाइली थरका सईसित उनको भनाभन चल्दा डीएसपी केसी हातपातमै उत्रिए
यो घटनाको छानबिनका निम्ति डीएसपी डा। केसी भोलिपल्टै प्रधान कार्यालय तानिए । त्यहाँको कमाण्ड इन्स्पेक्टर मनिष थापाले सम्हालिरहेका छन् ।
केन्द्रीय प्रहरी प्रवक्ता एसएसपी रमेश थापाका अनुसार डीएसपी केसीमाथिको छानवीन जारी रहेका कारण उनी केही दिन प्रधान कार्यालयमै रहने छन् । प्रहरीस्रोतका अनुसार डोल्पामा प्रहरी प्रमुखको जिम्मेवारी डीएसपी केसीलाई नै दिने कि अरु कोही पठाउने भन्नेबारे आईजी दिपक थापाले निर्णय गर्ने छन् । उनी कोशी प्रदेशबाट मंगलबार राति मात्र फर्किने कारण बुधबार वा बिहीबार टुंगो लाग्ने छ ।
