काठमाडौं । मोरङको कानेपोखरीमा कोशी प्रदेशसभा सदस्य र नेपाल प्रहरीका एक जना डीएसपीको गाडी आपसमा ठोक्किएका छन् । बीएई १४०६ र बा ५ च ३५२० नम्बरको गाडी आपसमा ठोक्किएका हुन् । यसमध्ये बा ५ च ३५२० नम्बरको गाडीमा जिल्ला प्रहरी कार्यालय झापाका डीएसपी सन्तोष खड्का सवार थिए ।
झापाबाट विराटनगर जाँदै गरेको प्रदेशसभा सदस्यहरू चढेको गाडी मोरङको कानेपोखरीमा अर्को गाडीसँग ठोक्किएर दुर्घटनामा परेको हो । दुर्घटनामा परेका गाडीमा प्रदेशसभा सदस्यहरू नम्वरलाल धिमाल, राधाकृष्ण खनाल, मैयाँ श्रेष्ठ र विद्या चाम्लिङ रहेको प्रहरीले जनाएको छ ।
