पर्सा । बिरगंज सशस्त्र प्रहरी बल नेपाल नं. १३ गण हे.क्वा., प्रस्तावित सीमा सुरक्षा गुल्म वीरगञ्ज र वीरगञ्ज भन्सार कार्यालयबाट खटिएको संयुक्त विशेष टोलीले वीरगञ्ज महानगरपालिका–१ छपकैया गाउँस्थित तीनवटा घरमा छापामारी गरेको छ। विशेष सूचनाका आधारमा गरिएको उक्त कर्डन तथा सर्च अपरेसनको क्रममा भारतबाट भन्सार छली गरि चोरी पैठारी गरी लुकाई छिपाई गोदाममा राखिएको तयारी कपडा फेला पारी नियन्त्रणमा लिइएको सशस्त्र प्रहरी नायव उपरीक्षक देबेन्द्र बहादुर सिंहले जानकारी दिएका छन्।
उक्त कारवाहीबाट भन्सार दाखिला मूल्य अनुसार कुल रु. ६,९८,८००।– बराबरको तयारी कपडा बरामद गरिएको छ। बरामद सामग्रीलाई आवश्यक कारवाहीको लागि वीरगञ्ज भन्सार कार्यालयमा बुझाइएको छ।
