मेष -आजको दिन तपाईंका लागि उत्साहजनक रहन सक्छ। नयाँ सोच र जोशसाथ काममा लाग्न सकिनेछ। शिक्षा, अध्यापन, सृजनात्मक वा प्राविधिक क्षेत्रमा संलग्न हुनुहुन्छ भने राम्रा उपलब्धि प्राप्त हुने सम्भावना छ। पारिवारिक साथ र आत्मीयताको अनुभव हुनेछ। आर्थिक दृष्टिले सामान्य भए पनि मन चित्त बुझ्ने किसिमले चल्नेछ। प्रेम सम्बन्धमा मिठास बढ्न सक्छ।
शुभ रङ: रातो
शुभ अंक: ९
नसोचेका ठाउँबाट सम्मान वा प्रशंसा प्राप्त हुन सक्छ, त्यसैले सधैं तयार रहनुहोस्।
वृष -आजको दिन केही भावुकता र मनोदशामा चञ्चलता ल्याउन सक्छ। आत्मविश्लेषण र शान्त मनले निर्णय गर्नुपर्ने दिन हो। परिवारमा सानो मतभेद भए पनि संवादले हल गर्न सकिनेछ। वैदेशिक काम, कागजी प्रक्रिया वा बैंकिङ कार्यमा अलिक ढिलासुस्ती देखिन सक्छ। स्वास्थ्यमा ध्यान दिनुहोला। साँझपख परिस्थिति सहज हुँदै जानेछ।
शुभ रङ: सेतो
शुभ अंक: ६
आजको दिन गम्भीर आर्थिक निर्णय नलिनु उपयुक्त हुनेछ, आवश्यक परे अनुभवीको सल्लाह लिनुहोस्।
मिथुन -आजको दिन सृजनात्मक, ऊर्जाशील र उत्साहित बनाउने खालको रहन सक्छ। विशेषतः कलात्मक वा प्रस्तुतीकरणसँग सम्बन्धित काममा सशक्त परिणाम पाइनेछ। व्यापार व्यवसायमा नयाँ योजना बनाउने अवसर मिल्नेछ। मित्रजनसँग सहकार्यमा लाभ मिल्नेछ। छोटो दूरीको यात्रा वा हिँडडुलले पनि सकारात्मक असर पार्नेछ।
शुभ रङ: हरियो
शुभ अंक: ५
दिनको पहिलो भाग सक्रिय रहनुहोस्, त्यसैले महत्त्वपूर्ण काम बिहानै गर्नु उत्तम हुनेछ।
कर्कट -भावनात्मक रूपमा संवेदनशील बन्ने दिन हो, त्यसैले मनमा आएका नकारात्मक कुरालाई नियन्त्रण गर्नुहोला। नजिकका मानिसहरूसँग सानातिना कुरामा तिक्तता आउन सक्छ, संवादमा संयमता अपनाउनुहोस्। खर्चतर्फ पनि ध्यान दिनु जरुरी छ, अनावश्यक किनमेल वा लोभजन्य प्रस्तावबाट जोगिनु राम्रो हुन्छ।
शुभ रङ: हल्का पहेंले,सेतो
शुभ अंक: २
मन एकाग्र राख्न ध्यान वा साधनामा केही समय खर्च गर्नु लाभदायक हुनेछ।
सिंह -तपाईंको आत्मबल, साहस र निर्णय क्षमता आज विशेष रूपमा काम लाग्नेछ। जोशका साथ अगाडि बढ्ने समय हो। अफिस, सभा वा सामूहिक छलफलमा प्रभाव पार्न सकिनेछ। तपाईंको विचार र योजना अरूका लागि पनि प्रेरणादायी बन्न सक्छ। प्रेम, स्नेह र सम्मानको वातावरण रहनेछ।
शुभ रङ: सुन्तले
शुभ अंक: १
नेतृत्वदायी भूमिका सम्हाल्न अवसर मिल्नेछ, अवसर गुमाउनु हुँदैन।
कन्या -सामाजिक उत्तरदायित्व वा शैक्षिक क्षेत्रका लागि फलदायी दिन। सोचमा स्पष्टता रहनेछ। कामको बोझ बढे पनि तपाईंको लगनशीलता र निष्ठाले सकारात्मक नतिजा ल्याउनेछ। स्वास्थ्य सामान्य नै रहनेछ तर सुताइ र खानपानमा लापरवाही नगरौं।
शुभ रङ: नीलो,हरीयो
शुभ अंक: ७
कार्य थालनी गर्दा सानो योजनाबाट सुरुवात गर्नुहोस्, विस्तार हुँदै जानेछ।
तुला -मन हलुका र रमाइलो अनुभव हुने दिन हो। नजिकको आफन्तसँग भेटघाट वा यात्रा हुन सक्छ। रोकिएका साना कामहरू अघि बढ्नेछन्। समाजसेवा वा धार्मिक कार्यमा मन जानेछ। प्रेम सम्बन्धमा खुलापन बढ्नेछ।
शुभ रङ: गुलाबी
शुभ अंक: ३
आज सृजनात्मक काम वा अभिव्यक्तिमा विशेष सफलता मिल्नेछ, आत्मविश्वासका साथ प्रस्तुत हुनुहोस्।
वृश्चिक -आजको दिन मितव्ययी बन्नुपर्नेछ। अनावश्यक बोली वा भावनात्मक प्रतिक्रिया दिने बानीले आफैंलाई असर गर्न सक्छ। स्वास्थ्य र खानपानमा विशेष ध्यान दिनुहोस्। काममा एक्लोपनाको अनुभूति भए पनि दिनको उत्तरार्द्धमा केही राहत मिल्नेछ।
शुभ रङ: गाढा निलो
शुभ अंक: ४
आवश्यक काम मात्रमा ध्यान केन्द्रित गर्नुहोस्, फुर्सदमा संगीत वा साधनामा मन लगाउनु लाभदायक हुनेछ।
धनु -दिन सामान्यतया सौम्य र फलदायी बन्न सक्छ। साथीसंगी वा दाजुभाइसँग सल्लाह गरी काम गर्दा फाइदा हुनेछ। अध्ययन, लेखन वा शिक्षण कार्यमा संलग्न व्यक्तिका लागि प्रेरणादायक समय हुनेछ। प्रेम सम्बन्धमा सकारात्मकता देखिन्छ।
शुभ रङ: पहेँलो
शुभ अंक: ५
लिएको संकल्पमा अडिग रहन सक्नु भयो भने आजको दिन प्रेरणादायी बन्नेछ।
मकर -आजको दिन तपाईंको सामाजिक पहिचान बढाउने खालको हुन सक्छ। पारिवारिक जिम्मेवारीमा जुट्दा सन्तोष मिल्नेछ। व्यवहारिक कामहरू, सम्पत्ति वा घरसम्बन्धी योजनामा समय दिनु पर्ने देखिन्छ। आयस्रोतमा थोरै सुधार आउन सक्छ।
शुभ रङ: खैरो
शुभ अंक: ८
काममा ध्यान केन्द्रित गर्दा लक्ष्य नजिक पुग्न सकिनेछ, हतार नगर्नुहोस्।
कुम्भ -दैनिक कामहरू सफलतापूर्वक अघि बढ्नेछन्। सहकर्मी वा समूहसँगको समन्वय बढ्नेछ। सरकारी काम, कानुनी प्रक्रिया वा कागजात मिलाउने कार्यमा सहजता देखिनेछ। पुराना साथीबाट सल्लाह वा समर्थन मिल्न सक्छ।
शुभ रङ: खैरो निलो
शुभ अंक: ६
विचारमा स्पष्टता ल्याएर निर्णय गर्नुहोस्, आज गरेको योजना दीर्घकालीन बन्न सक्छ।
मीन-मन रमाउने, घरपरिवारमा खुसी छाउने समय हो। माया, स्नेह र आत्मीयताको आदानप्रदान हुनेछ। धार्मिक आस्था वा ध्यानमा मन लाग्नेछ। नयाँ योजना वा लक्ष्य तय गर्न चाहनुहुन्छ भने आज उचित दिन हो।
शुभ रङ: बैजनी
शुभ अंक: ७
आत्मबलमा विश्वास राख्नुहोस्, नसोचेको ठाउँबाट सफलता मिल्न सक्छ।
माधवा शर्मा
ज्योतिषाचार्य तथा वास्तु विद्
9848060799
