काठमाडौं । गृह मन्त्रालयको ताजा निर्णयअनुसार उनलाई उपत्यका ट्राफिक प्रहरी कार्यालयको प्रमुखमा सरुवा गरिएको हो।
प्रहरी सेवामा लामो अनुभव हासिल गरेका एसएसपी अधिकारी एक कुशल, अनुशासित र निडर अधिकृतको रूपमा परिचित छन्। नेपाल प्रहरीको संगठनभित्र उनी नेतृत्वदक्षता, निर्णायक सोच र व्यावसायिक कार्यशैलीका लागि चर्चित छन्।
ट्राफिक व्यवस्थापनमा नयाँ सोचको अपेक्षा—
उपत्यकाको ट्राफिक समस्या राजधानीवासीको दैनिकीसँग प्रत्यक्ष जोडिएको विषय हो। सवारी चाप, पार्किङको अभाव, नियम उल्लंघन र निर्माणधीन सडकजस्ता समस्या व्यवस्थापन गर्नु चुनौतीपूर्ण काम हो। अबको नेतृत्वमा आएका अधिकारीले यसलाई व्यवस्थित, आधुनिक र नागरिकमैत्री बनाउने अपेक्षा गरिएको छ।
एसएसपी अधिकारीको अबधारणा र ट्र्याक रेकर्ड
एसएसपी नवराज अधिकारीले अघिल्ला जिम्मेवारीहरूमा रहेर जनमैत्री प्रहरी कार्यशैलीलाई प्राथमिकता दिएका थिए। चाहे अपराध नियन्त्रण होस् वा शान्ति सुरक्षाको सवाल, उनले सधैँ नतिजामूलक नेतृत्व प्रदान गर्दै आएका छन्। संगठनभित्र उनको निर्णय क्षमताको प्रशंसा हुने गरेको छ भने आम जनताबीच उनी जिम्मेवार प्रहरीको छविमा स्थापित छन्।
नयाँ प्रमुखप्रति जनअपेक्षा र प्रहरी संगठनको विश्वास
एसएसपी अधिकारीको नेतृत्वमा काठमाडौं उपत्यकाको ट्राफिक व्यवस्थापन अझ चुस्त, पारदर्शी र प्रभावकारी हुने आम विश्वास छ। ट्राफिक व्यवस्थापनलाई केवल कानूनको कार्यान्वयन नभई, सेवा र समन्वयको रूपमा अगाडि बढाउने दिशा उनले लिने अपेक्षा गरिएको छ।
उपत्यका ट्राफिकको बागडोर सम्हाल्दै गरेका एसएसपी अधिकारीले कस्तो रणनीति अवलम्बन गर्छन् र आगामी दिनमा राजधानीको ट्राफिक अनुशासन कत्तिको सुधार हुन्छ भन्ने सबैको चासो र निगरानीको विषय हुनेछ।
