दाङ । दंगीशरण गाउँपालिका २ बाघिचिरा स्थित सिचाइँ ड्याम नजिकको जंगलमा जलेको अबस्थामा एक थान पल्सर मोटरसाइकल फेला परेको छ।
प्राप्त जानकारीअनुसार, इञ्जिन नम्बर DHYRJB62723 र चेसिस नम्बर MD2A11CY3JPB00012 भएको १५० सिसी क्षमताको मोटरसाइकल जेठ २५ वा २६ गते जलेर नष्ट भएको अनुमान गरिएको छ।
घटनाको सूचना प्राप्त भएपछि प्रहरी चौकी गोल्टाकुरीबाट प्रहरी निरीक्षक कनैया थारुको कमाण्डमा प्रहरी टोली खटिइ गई आवश्यक मुचुल्का तयारी गरिएको थियो।
जलेको मोटरसाइकल हाल प्रहरी चौकी गोल्टाकुरीमा राखिएको र घटनाबारे थप अनुसन्धान भइरहेको प्रहरीले जनाएको छ।
