बाँके । नेपालगन्ज होटल ओम बस्वस्तिक प्रा.लि.ले संस्थागत सामाजिक उत्तरदायित्व कार्यक्रमअन्तर्गत न्युरोडमा रहेको होटल ओम स्वस्तिक प्राङ्गगणमा खुला रक्तदान कार्यक्रम सम्पन्न गरेको छ ।
मानव जीवन रक्षा र रगत अभावका कारण कोही पनि बिरामीले ज्यान गुमाउनु नपरोस् भन्ने उद्देश्यले शनिवार आयोजना गरिएको कार्यक्रममा होटल ओम स्वस्तिकका संचालक सुरज भण्डारी र अन्जु भण्डारी होटल (म्यानेजर) नरेन्द्र कुमार दसौदी भावना सुनार गङ्गा बिक मुनाल रसाइली लगायत दर्जनौं ब्यक्तीहरुले रक्तदानमा सहभागि भएको होटल ओम स्वस्तिक नेपालगन्जले जनाएको छ ।
प्रजातान्त्रिक उद्योग व्यवसायी संघ बाँके नेपालगन्जले बिश्व रक्तदाता दिवसको अवसरमा आयोजना गरेको रक्तदान कार्यक्रमलाई सम्बोधन गर्दै होटल ओम स्वस्तिकका संचालक सुरज भण्डारीले रक्तदान गरेकाहरुलाई प्रशंसा पत्र प्रदान गर्नुभएको थियो ।
समुदायको हितमा सदैव उत्तरदायी रहेको र यसै सिलसिलामा रक्तदान सामाजिक क्रियाकलापलाई निरन्तरता दिइने प्रतिवद्धता समेत उनले व्यक्त गर्दै रक्तदान कार्यक्रममा सहभागीलाई धन्यवाद दिनुभएको होटल ओम स्वस्तिकका (म्यानेजर) नरेन्द्र कुमार दसौदीले जानकारी दिनुभएको छ ।
