दाङ । घोराही उपमहानगरपालिका वडा नम्बर १५ स्थित मेन रोडको पानीलाई निकास दिने विषयमा नगर प्रमुख नरुलाल चौधरीले सडक डिभिजन कार्यालयका प्रमुख, डिभिजन इन्जिनियर दिपेन्द्र विष्ट र उपमहानगरपालिकाका शहरि विकास तथा पूर्वाधार महाशाखा प्रमुख, सिनियर डिभिजनल इन्जिनियर युवराज पौडेललाई फिल्डमै लिएर अध्ययन थाल्नुभएको छ । बर्षेनी समस्या आउने गरेको भन्दै स्वर्गद्धारी एफएम र मेनरोड क्षेत्रमा हुदै आएको डुवानलाई नालाबाट निकास दिन आबस्यक भौतिक संरचना र बजेटको इष्टिमेट गर्न दुबै इन्जिनियरहरुलाई नगर प्रमुखले जिम्मेवारी दिनुभएको छ । मेनरोडको पानी बुद्ध हस्पिटल हुदै गुम्राह चोकबाट कटुवाखोलामा खसाल्ने गरिको इष्टिमेट तयार पार्न जिम्मेवारी दिनुभएको छ । आगामी आर्थिक बर्षमा काम गर्ने गरि योजना तयार पार्ने नगर प्रमुख चौधरीले बताउनुभयो । सडक डिभिजनलाई यो काम गर्न नगर प्रमुखले आग्रह गर्नुभएको छ । डिभिजनले गर्ने इष्टिमेट र जवाफमा कामको भर पर्ने उहाँको भनाई छ । त्यो सम्भव नभए नगरले भए पनि काम गर्ने उल्लेख गर्नुभएको छ ।
