काठमाडौं । देश काल परिस्थितीमा आएका फेरबदल संगै स्वाभाविक बन्ने थुप्रै उतार चढावका बाबजुद पनि यो यात्रा उत्साहपूर्वक एवं गौरवमय छ । यस अबधिमा कतिपय पलहरु ज्यादै कठिन नभएका होइनन तर कुनै एक पल पनि प्रहरी भएकोमा पश्चाताप गरेको छैन भने प्रहरीको रुपमा गरेका कुनै पनि काम प्रति ग्लानी वा हिनतावोध पनि छैन । मैले हालसम्म प्रहरीको रुपमा सम्पादन गरेका र गर्नु पर्ने कामलाई मायाँ गरे र सदैव गरिरहने छु ।
सरुवा, बढुवा आफ्नो हातको कुरा होईनन, आफ्नो नियन्त्रण बाहिरका कुराहरु भएकोले त्यसलाई मानक बनाएर को कस्तो भनेर कसैलाई परिभाषित गर्न सकिने कुरा होईन र गर्न पनि हुदैन । पाएको जिम्मेवारी बहन डटेर नै गरियो, जे जिम्मेवारी पाईयो वा परम्परागत रुपमा महिलालाई सहज उपलब्ध हुने जिम्मेवारी भन्दा चुनौतीपूर्ण जिम्मेवारी पनि खोजेर लिईयो र पाएको जिम्मेवारी वहन गर्ने क्रममा महिलाहरुले अझै शशक्त र सम्बेदनशिल रुपमा पुलिसिङ गर्न सक्छन् भन्ने कुरा स्थापित नै गरियो । यति हुँदा पनि अर्को बुझेको कुराचाही के हो भने आफ्नो स्वमूल्यांकन त हुने नै भयो तर संगठनमा आफूसँग काम गरेका कर्मचारी र सेवाग्राहीले गर्ने मूल्यांकन चाही बास्तबिक मूल्यांकन हो भन्ने मेरो बुझाई छ र अझ कार्यालय प्रमूख रहँदा टिममा खटिएका चालक, बिभिन्न सहयोगीहरु बास्तबिक मूल्यांकनकर्ता हुन् जस्तो लाग्छ । उनीहरु सबै देख्छन, हरेक जेष्ठ अधिकृतहरुले गर्ने सबै गतिबिधिका साक्षी हुन्छन, प्रत्यक्ष नबोले पनि अप्रत्यक्ष रुपमा बुझिन्छ । त्यस हिसावमा पनि हालसम्मको यात्रा सन्तुष्टिपूर्ण छ ।
संगठन मजबुत हुनु वा कमजोर हुनु त्यसको जस-अपजस म र म जस्तै अन्य सेवारत र पूर्व प्रहरीहरु समेतले नै लिनु पर्छ ।
समग्रमा संगठनभित्र रहेका म अनि हामी नै बास्तबमा संगठन हो । सुन्दा अलिक फरक र अनौठो सुनिने तर लोभ, लाभ, आश र त्रास बाट माथि उठेका संगठनका सदस्यहरुले संगठनलाई गौरबान्वित बनाई रहेका छन् र रहने छन्, मेरो प्रष्ट बुझाई के छ भने संगठनबाट सम्पादित हुने काम र संगठनको समग्र छबि (Image) मा प्रश्न उठेका भए त्यो म र म जस्तै संगठनका सदस्यहरुको लोभ, लाभ, त्रास र आशको कारण भए । उमेर पुगेर योग्य भएर सेवा प्रवेश गरेका हरेक ब्यक्तिहरु आफूले गर्ने सबै कर्मका जिम्मेवार स्वयं हुन् । त्यसैले यो सेवा प्रवेशको बर्षगाँठले अझै जिम्मेवार रहने उत्प्रेरणा प्राप्त होस भन्दै ११२ औं समूहका १० वर्ष लामो चुनौतिपूर्ण समयमा सहादत प्राप्त गर्नुभएका हाम्रा वीर सहकर्मीहरूप्रति हार्दिक श्रद्धाञ्जली अर्पण गर्दै सेवारत तथा सेवानिवृत हुनु भएका सबै साथीहरुमा शुभकामना ।
