मधेश प्रदेश डिआईजी उमा प्रसाद चतुर्बेदीद्धारा virtual माध्यमबाट प्रहरी प्रमुखहरुलाई निर्देशन
जनकपुर । मधेश प्रदेश प्रहरी कार्यालय मातहत कार्यालयका कार्यालय प्रमुखहरूलाई निर्देशन सम्बोधन कार्यक्रम सम्पन्न भएको छ । उक्त कार्यक्रममा मधेश प्रदेश प्रहरी प्रमुखज्यूबाट मधेश प्रदेश प्रहरी तालिम केन्द्र, जनकपुर (सम्पर्क कार्यालय राजविराज), नेपाल प्रहरी प्रदेश कार्यालय, विरगंज (हाल जनकपुर), नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय पथलैया, नेपाल प्रहरी विशेष सुरक्षा गण ढल्केवर, धनुषाका गण प्रमुख, मधेश प्रदेश प्रहरी गण जनकपुरधाम, धनुषाका गण प्रमुख, सम्पुर्ण जिल्ला प्रहरी कार्यालयहरु, ईलाका प्रहरी कार्यालयहरु, मधेश प्रदेश विपद् व्यवस्थापन गुल्म, विरगंज, नेपाल प्रहरी स्कुल जिंगडिया, रौतहटका प्रमुखहरुलाई वर्तमान शान्ति सुरक्षाको अवस्थालाई मध्य नजर गर्दै आफ्नो मातहत समेतका इकाईहरुको काम कारवाहीको अवस्थाको सुपरिवेक्षण, प्रहरी आचरण तथा अनुशासन र शान्ति सुरक्षालाई चुस्त दुरुस्त रुपमा कायम राख्न, गैर व्यवसायिक प्रहरी कर्मचारीहरुलाई दण्डित गरी तत्काल विभागीय कारवाही, लागु औषध ओसार पसार नियन्त्रण, कार्य सम्पादन सम्झौता बमोजिम गर्नु पर्ने कार्य, सवारी दुर्घटना न्यूनीकरण, सीमा क्षेत्रबाट हुने तस्करी नियन्त्रण, आन्तरिक शुद्धीकरण तथा प्रहरी कर्मचारीहरूको उत्प्रेरणा अभिवृद्धि लगायत विषयहरुको अवस्थालाई समिक्षा गर्दै थप प्रभावकारी कार्यान्वयनका लागि आवश्यक निर्देशन दिनु भएको छ ।
