काठमाडौं । भारतस्थित नेपाली दूतावासका डेपुटी चिफ अफ मिसन डा. सुरेन्द्र थापाका अनुसार नेपाली नागरिकले भारतीय विमानस्थलमा पासपोर्ट देखाएर भोडाफोन वा एयरटेलजस्ता टेलिकम प्रदायकका काउन्टरबाट सीमकार्ड लिन सक्ने व्यवस्था भएको छ।
“भारतले पछिल्लो समय आधिकारिक कागजात देखाएर सीमकार्ड उपलब्ध गराउने नीति ल्याएको छ,” थापाले जानकारी दिँदै भने, “अब नेपाली नागरिकले पासपोर्ट देखाएर सहजै तीन महिनाको सीमकार्ड लिन सक्ने भएका छन्।”
उनका अनुसार भारतको जुनसुकै राज्यमा पनि नेपालीले तीन महिना समयावधि रहेको सीमकार्ड प्रयोग गर्न सक्नेछन्। यो व्यवस्था विशेष गरी उपचार, भ्रमण वा छोटो अवधिको बसाइका लागि भारत जाने नेपालीलाई उपयोगी हुने अनुमान गरिएको छ।
