बाँके । नेपालगन्ज उपमहानगरपालिका वडा नम्बर ४ अन्तर्गतको मुख्य न्यु रोड क्षेत्रस्थित गजानन्द फिनिशिङ अगाडि रहेको कच्ची सडक वर्षा याममा हिलाम्मे र पानीले भरिएका खाल्डाखुल्डीले भरिएको देखिन्छ। यो सडक वडा अध्यक्ष गोपाल पुनको घरबाट करिब ५०० मिटरको दूरीमा मात्र पर्दछ।
निर्वाचन भन्दा पहिला वडा अध्यक्ष पुनले वडा भित्रका सबै सडकहरू सुधार गर्ने प्रतिबद्धता जनाए पनि, स्थानीयवासीहरूका अनुसार यो मुख्य सडक अहिलेसम्म पनि मर्मत वा ढलान गरिएको छैन। सहायक सडकहरूमा पीसीसी ढलान गरिएको भए पनि यही प्रमुख बाटो उपेक्षित देखिएको छ।
सो सडकमा वर्षातको पानी जमेर हिलो र कीचडले आवतजावत असहज बनाएको छ। अर्को तिर सडकमा ग्राभेल मात्र हालिएको देखिए तापनि उचित ढलान नहुँदा सडक टिकाउ छैन।
स्थानीयवासीहरूले पटक–पटक गुनासो गर्दा पनि वडा अध्यक्ष ले चासो नदिएको गुनासो गरेका छन्।स्थानीय बासिन्दा आसिफ़ अली भन्छन्, “हामीले विश्वास गरेर मत दियौं, तर चुनावपछि हाम्रो दु:ख कसैले सुन्दैन।” स्थानीय बासिंदा हरूले यथाशीघ्र सडक निर्माण गर्न वडा कार्यालयसँग माग गरिरहेका छन्। यता यस् बाटोको अबस्था बारेमा नेपालगन्ज उपमहानगरपालिका वडा नम्बर ४ का वडाध्यक्ष गोपाल पुनको 9848073242 नम्बरमा फोन सम्पर्क गर्दा मोबाइल अफ छ ।
