काठमाडौं । आज साउन शुक्ल पूर्णिमाका अवसरमा देशभरका हिन्दू धर्मावलम्बीहरूले धार्मिक आस्था र उल्लासका साथ रक्षाबन्धन पर्व मनाइरहेका छन्। विशेष गरि दिदीबहिनी र दाजुभाइबीचको माया, विश्वास र पारिवारिक सम्बन्ध सुदृढ पार्ने उद्देश्यका साथ यो पर्व प्रत्येक वर्ष मनाइन्छ।
यस दिन विहानैदेखि तीर्थस्थल, मन्दिर र नदीघाटमा स्नान, पूजा–अर्चना र रक्षा–सूत्र बाँध्नेको भीड लागेको छ। दिदीबहिनीहरूले दाजुभाइको हातमा तिनतापत्री धागो वा रङ्गीन रक्षा–सूत्र बाँधेर दीर्घायु, स्वास्थ्य र समृद्धिको कामना गरेका छन् भने दाजुभाइहरूले दिदीबहिनीलाई उपहार र आशिर्वाद दिएका छन्।
यसै दिन जनै पूर्णिमा पनि परेकोले हिन्दू पुरुषहरूले स्नान गरेर नयाँ जनै धारण गरेका गर्दछ्न। धार्मिक विश्वास अनुसार, आजको दिन रक्षा–सूत्र बाँध्दा संकट टर्ने, आयु वृद्धि हुने र पारिवारिक एकता बलियो हुने मान्यता छ।
देशभरका बजार, मन्दिर र गाउँ–शहरमा आजको दिन चाडपर्वको रौनक छाएको छ।
