बाँके । नेपालगंज सशस्त्र प्रहरीले बाँकेमा भन्सार छली गरी ल्याउँदै गरिएको करिब २३ लाख रुपैयाँभन्दा बढी मूल्य बराबरको अवैध औषधि बरामद गरेको छ ।
नेपालगञ्ज उपमहानगरपालिका–१८, लगदहवाबाट सशस्त्र प्रहरी बल नेपाल बीओपी जयसपुरको टोलीले चेकजाँच गर्ने क्रममा ALCO DROPS नामक औषधि ठूलो मात्रामा फेला पारेको हो । बरामद गरिएका औषधि नेपाल भित्र्याउने क्रममा आवश्यक कागजात नभएको तथा भन्सार शुल्क नतिरी ल्याइएको प्रारम्भिक अनुसन्धानबाट खुलेको प्रहरीले जनाएको छ ।
सशस्त्र प्रहरीले बरामद औषधिहरू आवश्यक कारबाही तथा थप अनुसन्धानको लागि भन्सार कार्यालयमा बुझाइएको जनाएको छ । औषधि कहाँबाट ल्याइएको हो र यसमा संलग्न व्यक्ति वा समूह को हुन् भन्नेबारे थप अनुसन्धान भइरहेको सशस्त्र प्रहरीले जानकारी दिएको छ ।
सशस्त्र प्रहरीले पछिल्ला दिनमा बाँके र आसपासका नाकामा भन्सार छली तथा अवैध व्यापार नियन्त्रण गर्न चेकजाँच कडा पारेको सशस्त्र प्रहरी बल बिओपी जैसपुर नेपालगन्जका इन्चार्ज आदेश पुनले जानकारी दिएका छन ।
