काठमाडौं । सडकमा खटिएका नेपाल प्रहरी, सशस्त्र प्रहरी, राष्ट्रिय अनुसन्धान विभागका कर्मचारीहरुको नियन्त्रण भनदा बाहिर काठमाडौं छ ।
१९ जना विद्यार्थीको मारिएपछि उग्र बनेको आन्दोलनले अहिले शिर्ष नेताका घरहरु, सरकारी निवास, कार्यालयहरुमा तोडफोड र आगजनीमा उत्रिएका छन् ।
मंगलबारको प्रदर्शनम आगजनी र तोडफोडका घटनाहरु व्यापक बनेका छन् । कफ्युका बीच पनि प्रदर्शनकारीहरुले निरन्तर आक्रमण र आगजनी गरिरहेका छन् ।
सडकमा खटिएका सुरक्षाकर्मीको नियन्त्रणभन्दा बाहिर अहिले काठमाडौंको स्थिती पुगेको छ । सुुरक्षा अधिकारीहरुले भने यो किसिमको आन्दोदन हुन्छ भनेर विश्षेण नै भएको बताएका छन् ।
अहिले सुरक्षाकर्मीहरुले आन्दोलनकारी रोक्न सक्ने अवस्था छैन ।
सोमबार नै सुरक्षामा गम्भीर चुक भएपछि काठमाडौं उपत्यका प्रहरी कार्यालय रानिपोखरीमा एआईजी दानबहादुर कार्कीलाई पठाइएको थियो । तर सोमबार १९ जना विद्यार्थी मारिएपछि उग्र बनेको आन्दोलनको सामान गर्न सुरक्षाकर्मी असफल भएका छन् ।
प्रदर्शन उग्र र नेता केन्द्रीत बनेपछि शिर्ष नेताहरुलाई नेपाली सेनाले सुरक्षित ठाउँमा राखेको छ । सैनिक हेलिकप्टरमार्फत काठमाडौंबाट नेताहरुलाई बाहिर लगिएको छ ।
