काठमाडौं । मेरी श्रीमती रीतु विसन्ची भईन्। स्तन क्यान्सरको उपचार शुरू भाको २ हफ्ता भो। जिवनमा, न कैले कुनै कुराको नशा,अम्मल लिईन् न कसैको मन नै दुखाईन् तर पनि तकदीरमा भाको कुरा भोग्नैपर्दोरैछ, भन्नी त होला।
यसै विच राम्रा कुराहरू पनि छन्। हाल डा. सुदिप श्रेष्ठको टिमबाट उनको उपचार भईराकोछ। उपचारका निम्ति हामी आर्थिक रूपमा सक्षम छौ।
दशैं पनि आईसक्यो। दोस्रो Chemotherapy पछि घर भैरहवा जानी कुरा छ। मिले सम्म गाउँ त्रिवेणी र उनको माईत कपिलवस्तु पनि पुग्ने कुरा छ। केहि राम्रा गीतहरू रेकर्ड पनि भाकाछन्। म्युजिक भिडियो पनि बनेकाछन्।केहि सॉंगितिक कार्यक्रमका कुरा पनि छन्। आफु जस्तोसुकै परिस्थितीमा भए पनि, दर्शक/श्रोतासँग खुशी देखिनैपर्ने पेशा छ।
जस्तोसुकै दुखःमा पनि स-साना खुशी खोज्दै सुख मान्नुको विकल्प छैनरैछ जिन्दगीमा।
अस्पतालमा अन्य बिरामीलाई हेरेर हाम्ले मन बुझाउँन थाल्दैछम। शायद अरूले पनि हाम्लाई हेरेर मन बुझाउँदाहोलान।
हाम्रो देश पनि त विसन्चो छ। पहिला देश निको होस्। देश निको भए, हामी सधैं निकै नै छम नि?
(तपैको परिवारमा पनि यस्तो समस्या तथा उपचार अनुभव भए Share गर्नुहोला है।)
श्रोत गायक हेमन्त शर्मा
