दाङ । जिल्ला प्रहरी कार्यालय दाङका प्रहरी प्रमुख दिपक श्रेष्ठले शनिबार बिहान पत्रकार भेटघाट कार्यक्रम गरे । उनले आफु दाङलाई कार्यक्षेत्र बनाएर काम गर्न आएको र चाडपर्ब लक्षित सुरक्षा योजना बारे जानकारी दिन पत्रकारलाई डाके । तर, पत्रकारहरुले नयाँ प्रहरी प्रमुख श्रेष्ठलाई मुल संङ्लो भए प्रहरीको चुस्तदुरुस्त सेवा झल्किने सुझाब दिए ।
प्रहरीमा परेका मुद्धाको सहजिकरण गर्न विभिन्न बहाना बनाएर आउने भिआइपि बिचौलियालाई निषेध गर्न सके मात्रै पिडितले न्याय पाउन सक्ने पत्रकार ओपेन्द्र बस्नेतले एसपि श्रेष्ठलाई सल्लाह दिए । अर्का पत्रकार अमर क्षितिज भण्डारिले कुनै बेला दाङको प्रहरी प्रमुख भइ हाल आईजिपिबाट अनिबार्य अबकाशमा गएका धिरजप्रताप सिंहको पालामा जस्तो शान्तिसुरक्षा कायम गर्न र प्रहरी प्रमुख बिभीन्न भनसुनका नाममा तल्ला प्रहरी युनिटलाई अनाबश्यक दबाब नदिए मात्रै पनि सुरक्षा मजबुत बनाउन सकिने बताए । उनले सिंहको कार्यकालमा दाङमा तल्ला प्रहरी युनिट पनि आफै एसपि सरह नै जिम्मेवारीमा खटिने गरेको अनुभब सुनाए।
त्यस्तै भण्डारिले पत्रकारका नाममा गलत धन्दा गर्नेलाई कानुन बमोजिम कारबाही गर्न आग्रह गरे । अन्य पत्रकारहरुले पत्रकारहरु सुचनाको भोको हुने भन्दै छिटाे छरितो सुचना आदान प्रदान हुने बाताबरण बनाउनु पर्ने बताएका थिए । साथै पत्रकारहरुले जेनजि आन्दोलनकाक्रममा आगजनिसहित तोडफोडमा संलग्नलाई कानुनि दायरामा ल्याई कारबाही गरेर शान्तीसुरक्षा अझै थप बलियो बनाउनु पर्नेमा जोड दिए । सो अवसरमा एसपि श्रेष्ठले आफुले पेशागत जिम्मेवारी अनुसार काम गर्ने र कानुन बिपरितका गतिबिधि सबै नियन्त्रणमा आउने बताए ।
जेनजि आन्दोलनकाक्रममा कानुन बिपरित हर्कत गर्ने जो कोहि पनि ढिलोचाडाे कानुनि दायरामा आउने बताए । सरकारले आयोग बनाएर कारबाहीको दायरामा ल्याउन खोजेकाले आफुहरुले क्षतिको मुल्यांकन गरेर घटनामा संलग्नहरुको भिडियो फुटेज पठाइ दिने उनले बताए । श्रेष्ठ यसअघि घोराहीकै नगर प्रहरी प्रमुख भई काम गरेका थिए ।
