जनकपुरधाम । कमला नदीमा २०६८ सालमा सुरु भएको पक्की पुल १४ वर्षपछि पनि अधुरो छ । तीन वर्षमै सम्पन्न गर्ने भनिएको पुल समयमै नबन्दा धनुषा र सिरहाका हजारौं बासिन्दा हरेक वर्ष वर्षायाममा ठूलो कठिनाइमा पर्दै आएका छन् । नदी पार गर्न अहिले सहारा काठे पूल बनेको छ । पानी बढ्दा डुङ्गा चढ्न पनि जोखिमपूर्ण हुने भएकाले स्थानीयहरू भय र बाध्यताबीच आवतजावत गर्न विवश छन् ।
धनुषा र सिरहाका दैनिक गाईवस्तुलाई घाँसपातका लागि नदीपार लैजाने गर्छन् । बर्खामा नदी उफ्रँदा उनी हरेकपटक डरले डुङ्गामा चढ्छन् । “पानी बढेपछि डुङ्गा चढ्न डर लाग्छ, तर विकल्प छैन,” स्थानिय भन्छन् । वर्षायामबाहेक अरु बेला प्रयोग हुने काठको सानो पुल यस वर्ष बाढीले बगाएको छ । अब नदीपार गर्न काठे पूल प्रयोग गर्नुपर्छ । काठे पूल प्रयोग गर्ने प्रतिमोटरसाइकललाई रु १०० लिईरहेको छ ।
