काठमाडौं । नेपाल प्रहरीभित्र “कम बोलेर परिणाम दिनुपर्छ” भन्ने सोचका दृढ अधिकारीका रूपमा एआईजी डॉ. मनोज केसी चिनिन्छन्। अनुसन्धानमा निपुणता, निष्पक्षता र नतिजामुखी कार्यशैलीका कारण उनी संगठनभित्र विश्वसनीय र दृढ नेतृत्व का प्रतीक बनेका छन्।
भूटानी शरणार्थी प्रकरणमा तत्कालीन गृहमन्त्रीलाई जानकारी नदिई बालकृष्ण खाँणलाई पक्राउ गर्ने साहसिक निर्णयले उनले प्रहरी संगठनको इमानदार छवि पुनःस्थापना गरे। सो क्रममा तत्कालीन महानिरीक्षक वसन्तबहादुर कुँवरले लुकाइराखेको भनिएको फाइल अनुसन्धानको दायरामा ल्याउँदै उनले प्रहरी संगठनभित्रको मौन संस्कृतिलाई चुनौती दिएका थिए।
सीआईबी प्रमुखका रूपमा उनले सुन तस्करी प्रकरणमा राजनीतिक दबाबलाई नटेरी निष्पक्ष रूपमा अनुसन्धान अघि बढाए। साथै, माओवादी नेता तथा पूर्वसभामुख कृष्णबहादुर महरालाई पक्राउ गरेर उनले “कानून सबैका लागि समान हो” भन्ने सशक्त सन्देश दिएका थिए।
हाल महरा पुर्पक्षका लागि थुनामा छन्। एआईजी केसी धेरै बोल्दैनन् — तर निरन्तर अनुसन्धान, निडर निर्णय र प्रतिबद्धतामार्फत नतिजा दिने प्रहरी अधिकारीका रूपमा उनको परिचय बनेको छ।
उनी संगठनभित्र दृढतापूर्वक मान्ने गर्छन् “Chain of Command नै अनुशासनको मेरुदण्ड हो।”
