बाँके । नेपालगन्ज जिल्लाका प्रमुख जिल्ला अधिकारी दिल कुमार तामाङ्ले जिल्ला प्रहरी कार्यालय बाँकेको बस्तु स्थिति निरीक्षण गर्नुका साथै उपस्थित प्रहरी कर्मचारीहरुलाई पारदर्शि रुपमा नागरिक मैत्री सेवा प्रवाह गर्न स्थान विशेषका समस्या पहिचान गरी समुदाय प्रहरी साझेदारी कार्यक्रमलाई थप प्रभाव कारी रुपमा संचालन गर्दै लैजानु पर्ने, लागू औषध दुर्व्यसन, ओसार पसार लगायत सिमावर्ती अपराध नियन्त्रण र न्यूनिकरणमा सक्रियताका साथ अगाडि बढ्दै समाजमा शान्ती सुव्यवस्था र शुसासन कायम गर्ने कार्यमा उच्च मनोबल र दक्षताका साथ परिचालन हुन निर्देशन दिनु भयो ।
साथै, कार्यक्रममा यस कार्यालयका प्रहरी नायव उपरीक्षक दिपक पातलीले समग्र बस्तुस्थिति समेटिएको प्रस्तुतिकरण प्रस्तुत गर्नु भएको थियो भने अन्त्यमा जिल्ला प्रहरी कार्यालय बाँकेका प्रमुख प्रहरी उपरीक्षक अंगुर जि.सी.ले मायाको चिनो प्रदान गर्दै धन्यवाद ज्ञापनका साथै कार्यक्रमको सामपन गर्नु भएको थियो ।
