काठमाडौं । उपत्यकाका नदी किनारमा रहेका सुकुम्बासी बस्ती हटाउने सरकारी तयारीपछि सुकुम्बासीहरू विरोधमा उत्रिएका छन्। प्रहरीले शुक्रबार साँझसम्म बस्ती खाली गर्न माइकिङ गरे पनि उनीहरूले कुनै हालतमा नछाड्ने अडान लिएका छन्।
सरकारले शनिबार वा आइतबार डोजर चलाउने तयारी गरेको भन्दै सुकुम्बासी पक्षले आकस्मिक बैठक गरी बल प्रयोग भए प्रतिकार गर्ने निर्णय गरेको छ। उनीहरूले वर्षौंदेखि बस्दै आएको ठाउँको कानुनी स्वामित्व अर्थात् लालपुर्जा दिनुपर्ने माग गरेका छन्।
सुकुम्बासी नेताहरूका अनुसार उपत्यकाका विभिन्न खोला किनारमा करिब ६ हजार परिवार बसोबास गर्दै आएका छन्। उनीहरूले उचित व्यवस्थापनबिना हटाउने प्रयास स्वीकार्य नहुने बताएका छन्।
